Publizitatea
Itxi

X-deportes_vuelta al pais vasco-X

X-deportes_vuelta al pais vasco-X

2021/04/09

17:24

Euskal Herriko Itzulia 2021

5. etapa

Honorek irabazi du etapa taldekide duen Cernyrekin batera helmugaratuta

A. B. | EITB Media

Mikkel Frolych Honore izan da Itzuliko bosgarren etapako irabazlea Deceuninck-Quick Stepeko Josef Cerny taldekidearekin batera ihes eginda iritsi ostean. McNultyk jarraitzen du lidergoan.

1:26
Cerny eta Honore
  • Whatsapp
  • Whatsapp
  • Telegram
  • Bidali

Mikkel Frolych Honore txirrindulariak irabazi du Euskal Herriko Itzuliko bosgarren etapa, Hondarribia eta Ondarroa artekoa (160,2 Km). Deceuninck-Quick Stepek erakustaldia eman du, etapako irabazlea Josef Cerny taldekidearekin batera helmugaratu baita, ihes eginda. Brandon McNultyk (UAE-Team Emirates) jarraitzen du lidergoan.

Bi taldekideak batera eta ihes eginda heldu dira Ondarroako helmugara, eta Cernyk irabazten utzi dio Honoreri. Deceuninck-Quick Step taldeko bi txirrindulariekin batera ihes eginda ibili da Julian Bernard (Trek-Segafredo), baina Honorek eta Cernyk atzean utzi dute helmugarako 4,8 kilometro falta zirenean. Bernard hirugarren izan da, irabazlearengandik 16 segundora.

Astana taldeko Alex Aranburu eta Omar Fraile euskal txirrindulariak saiatu dira lasterketaren buruarekin bat egiten, baina ezin izan dute Deceuninck-Quick Step taldeko bi txirrindulariekin bat egin. Faboritoak tropelean helmugaratu dira, Honorerengandik 28 segundora.

Sailkapen nagusiko lehen postuetan ez da aldaketarik egon. Brandon McNulty (UAE Emirates) da liderra; 23 segundo ateratzen dizkio Primoz Roglici (Jumbo Visma), 28 Jonas Vingegaardi (Jumbo Visma), 36 Pello Bilbaori (Bahrain-Victorious) eta 43 Tadej Pogacarri (UAE-Team Emirates). Ion Izagirre (Astana-Premier Tech) zortzigarren da liderrarengandik 1'15"era, eta Mikel Landa (Bahrain-Victorious) bederatzigarren postuan da, 1'23"ra.

  • Bisitatuena

      Kargatzen ikusiena
      Kargatzen ikusiena