Txirrindularitza
2023ko Emakumezkoen Vuelta
Realinik irabazi du Laredon eta Van Vleuten lidergora igo da
Agentziak | EITB Media
Horrela, Van Vleutenek Volleringek zuen sailkapen nagusiko lidergoa eskuratu du, orain bere herrikidearengandik 1:11ra, eta Riejanne Markus holandarrak behin-behineko podiuma itxi du.
Gaia Realini (Trek-Segafredo) italiarrak irabazi du larunbat honetan Emakumezkoen Vueltako seigarren eta azken-aurreko etapa, 106,1 kilometrokoa Kantabriako Castro-Urdiales eta Laredo herrien artean, eta Annemiek Van Vleuten (Movistar) herbeheretarrak lidertza hartu du.
Bi mendate garrantzitsu izan dituen jardunaldian, Van Vleutenek erasoa jo du lehenengoan, Fuente de las Varas gainean (2. mailakoa), orain arteko liderra, Demi Vollering (Team SD Worx), atzean utzita.
Vollering lehiaketatik kanpo zegoela, etapako garaileak bakarrik eutsi dio Espainiako lasterketako egungo txapeldunaren erritmoari. Laredoko helmugara iritsi dira eta Realinik irabazi du esprinta.
Horrela, Van Vleutenek Volleringek zuen sailkapen nagusiko lidergoa eskuratu du, orain bere herrikidearengandik 1:11ra, eta Riejanne Markus holandarrak (Team Jumbo-Visma) behin-behineko podiuma itxi du.
Asturiasko Printzerriak Emakumezkoen Vueltako azken etapa hartuko du igande honetan, Pola de Sieron hasi eta Covadongako Lakuen igoerarekin 93,7 kilometroren ostean amaituko den ibilbidean.
6. etapako sailkapena:
1 - REALINI Gaia (Trek) 2:49:23
2 - VAN VLEUTEN Annemiek (Movistar) +0:12
3 - ADEGEEST Loes (FDJ) +1:04
4 - PERSICO Silvia (UAE) d. b.
5 - VOLLERING Demi (SD Worx) d. b.
6 - GARCÍA Mavi (Liv Racing TeqFind) d. b.
7 - MUZIC Évita (FDJ) d. b.
8 - NIEWIADOMA Katarzyna (Canyon) d. b.
9 - MARKUS Riejanne (Jumbo) d. b.
10 - SANTESTEBAN Ane (Jayco) d. b.
Clasificación general:
1 - VAN VLEUTEN Annemiek (Movistar) +16:16:17
2 - VOLLERING Demi (SD Worx) +1:11
3 - MARKUS Riejanne (Jumbo) +1:23
4 - LABOUS Juliette (DSM) +1:58
5 - REUSSER Marlen (SD Worx) +2:11
6 - BARIL Olivia (UAE) +2:18
7 - NIEWIADOMA Katarzyna (Canyon) +2:38
8 - GARCÍA Mavi (Liv Racing TeqFind) +2:39
9 - MAGNALDI Erica (UAE) d. b.
10 - BAUERNFEIND Ricarda (Canyon) +2:45
13 - SANTESTEBAN Ane (Jayco) +4:01
