Frantziako Tourra 2023
18. etapa
Vingegaard nagusitu da Hautacamen eta lidergoa sendotu du
I. G. | EITB MEDIA
Danimarkako txirrindulariak Pogacar esloveniarrarekin korritu du etaparen zatirik handiena, baina azken kilometroetan ihesaldia ematea lortu du, etapa irabaziz eta lidergoa indartuz.
Albisteak (4)
Bideoak (4)
Jonas Vingegaard danimarkarrak ia erabakita utzi du Frantziako Tourra Hautacameko gailurrean gailenduta, mendiko azken jardunaldian, Tadej Pogacar esloveniarrari 1:04ko errenta aterata.
Azken bi edizioetako irabazleak bost aldiz jo du erasoa Spandelles mendatean, azken aurreko mendatean, danimarkarra urrundu gabe, baina mendate horretako jaitsieran erorikoa izan ondoren, erritmoa galdu du eta ez da gehiago saiatu.
Vingegaardek Pogacarri itxaron dio erorikoaren ostean, eskua eman diote elkarri eta liskarrak baretu egin dira. Helmugarako 4,5 kilometro falta zirenean esloveniarrak ezin izan du Wout van Aert belgikarrak bere taldeburuari ezarritako erritmoa jarraitu.
Vingegaarden bigarren etapa garaipena da Frantziako Tourrean, Granonen hamaikagarren jardunaldian lortutakoaren ondoren.
Etapako hirugarrena Van Aert izan da, etapa osoa ihes eginda, eta bere taldekidearengandik 2:10era helmugaratu da.
18. ETAPAKO SAILKAPENA:
1 - VINGEGAARD Jonas (Jumbo) 3:59:50
2 - POGACAR Tadej (UAE) +1:04
3 - VAN AERT Wout (Jumbo) 2:10
4 - THOMAS Geraint (INEOS) +2:54
5 - GAUDU David (Groupama) +2:58
6 - LUTSENKO Alexey (Astana) +3:09
7 - MARTÍNEZ Daniel Felipe (INEOS) d.b.
8 - KUSS Sepp (Jumbo) +3:27
9 - VLASOV Aleksandr (BORA) +4:04
10 - PINOT Thibaut (Groupama) +4:09
SAILKAPEN NAGUSIA:
1 - VINGEGAARD Jonas (Jumbo) 71:53:34
2 - POGACAR Tadej (UAE) +3:26
3 - THOMAS Geraint (INEOS) +8:00
4 - GAUDU David (Groupama) +11:05
5 - QUINTANA Nairo (Arkéa) +13:35
6 - MEINTJES Louis (Intermarché) +13:43
7 - VLASOV Aleksandr (BORA) +14:10
8 - BARDET Romain (DSM) +16:11
9 - LUTSENKO Alexey (Astana) +20:09
10 - YATES Adam INEOS (Grenadiers) +20:17
