Tolosa eta Donostia taula gainean, Hamabostaldiaren azken emanaldian

Erredakzioa

Azken eguneratzea: 2010/09/03 17:46 (UTC+2)

Frantziako Tolosako Kapitolioko Orkestra Nazionalak eta Donostiako Orfeoiak Prokofiev eta Txaikovski maisuen lanak joko dituzte gaur gauean Kursaal aretoan. Sarrerak agortuta daude.

Whatsapp
Whatsapp
telegram
twitt
Bidali
Esteka kopiatu

Albisteak (4)

Errusiako izar handiak, Musika Hamabostaldian

Gaur bukatuko da Donostiako Musika Hamabostaldiaren 71. edizioa. Azken hitzordu honetan Frantziako Tolosa eta Donostia izango ditugu taula gainean, goi mailako emanaldi batekin. 20:00etatik aurrera, Frantziako Tolosako Kapitolioko Orkestra Nazionalak eta Donostiako Orfeoiak kontzertua eskainiko dute Gipuzkoako hiriburuko Kursaal aretoan, Tugan Sokhiev errusiarraren gidaritzapean. 2008tik Frantziako Tolosako Orkestrako zuzendari artistikoa da Sokhiev, eta nazioarte mailan izen handiko zuzendarietako bat dugu.

Errusiako Musika izan da 71. edizio honetan Hamabostaldian protagonista, eta hori dela eta, Prokofiev eta Txaikovski maisuen lanak entzungo dira azken kontzertu honetan ere. Gainera, goi-mailako gonbidatua ere izango da Kursaalen: Ewa Podles Poloniako kontralto ospetsuak ere parte hartuko du emanaldian.

Aurtengo edizioan ikusmin handiena piztu duen kontzertuetako bat dugu gaur gauekoa, eta sarrerak agortuta daude duela egun batzuk.