kultura
Beka
Elkar Fundazioak Ines Osinaga musikariari eman dio Joseba Jaka beka
N. V. | EITB Media
Abeslari eta trikitilariak "Gosariak" Gose taldearen diskoko kantuak berrinterpretatu eta hamar kantu berri sortuko ditu.
-
Ines Osinaga
Joseba Jaka Elkar Fundazioak bi urtean behin kultura adierazpide bati ematen dion beka Ines Osinagarentzat izango da aurtengo deialdian, eta urtebete izango du arrasatear musikariak orain disko proiektua gauzatzeko.
Joana Barbierrek, Sara Zozayak eta Jon Eskisabelek osatutako epaimahaiak "Itsasoa da bide bakarra" proiektua aukeratu du 10.000 euroko saria emateko. Ines Osinagak Gosariak duela zortzi urte Gose taldean ari zenean Joseba Sarrionandiaren testuekin egindako kantu bilduman sartu zituen kantuen beste bertsio bat egingo du lan horretan, eta hamar kantu berri gehituko ditu, gainera.
Elkar Fundazioak 2016an jarri zuen martxan Joseba Jaka beka, eta deialdi bakoitzean kultura jarduera bati begiratzen dio. Aurreko bi edizioetan, literatura eta antzerki esparruetako artistek jaso zuten beka, eta 2022an musika izan du ardatz.
