Debagoiena

Bergarako Jardun euskara elkarteak eta Goiena komunikazio taldeak "Algaraka" umorezko bakarrizketa lehiaketa antolatu dute EITBrekin elkarlanean. Oihane Agirrek azaldu digunez, euskarak merezi zuen formatu honetan lekua; apirilaren 19ra arte eman daiteke izena. Primeranen izango da ikusgai.

Organoak ezinbesteko instrumentuak dira gure herri eta hirietako elizetan. Batzuk oso zaharkituta daude, baina diru asko behar da horiek berritzeko, eta eliza askok ezin diote gastu horri aurre egin. Bergaran egunotan ari dira duela bi urte zaharberritzen hasi ziren organoa berriro muntatzen. 

Atxiloketak Gasteizen eta Agurainen eta Arrasaten egin dituzte. Besteak beste, erakunde kriminaleko kide izatea, pertsonen aurka egitea, armak legez kanpo edukitzea, osasun publikoaren aurka egitea eta iruzur egitea egotzi zaie.

Furgoneta batek su hartu du A-636 errepidean, Antzuolan, Deskargako autobian, Bilborako norabidean. Gertaera 05:50ean izan da, furgonetak matxura bat izan ondoren.

Egunero egiten dio bisita Josuk 90 urteko amama Begoñari. Harreman estua dute biek. Josuk elizara laguntzen dio, eta Begoña dagoeneko ohitu da bilobaren orrazkera punki-ra eta ia gorputz osoa estaltzen dizkioten tatuajetara.

Elorregiko elizaren atarian topatu du Pagadik Karlos Ostolaza apaiza. Ruandan, "capital Kigalin", 11 urte egin zituen misiolari Karlosek, eta bertako hizkuntzan agurtu du Mikel. Zumaiarra sortzez, 34 urte daramatza Bergaran apaiz lanetan.

200 bat autobus igarotzen dira egunero Elorregi auzotik. Duela lau urte Jon Mujikak autobus-kafetegia sortzeko ideia izan zuen, eta harrera bikaina izan du. Are gehiago, auzoan sakabanatuta dauden baserrietako bizilagunek elkar ezagutu dute Sanprubusari esker eta koadrila osatu dute.

15 urteko bederatzi neskak osatzen dute Oñatiko Hamarratz erromeria taldea. Ilargi Agirregabiriak eta Lur Biainek diotenez, ondo pasatzeko eta musika espresatzeko modu bat da erromeria. Beraiek ere erromeria taldeekin gozatzen dute. Azaldu dute musika eskolatik sortu zela taldea.

Urtero bezala, Aretxabaletako merkatariek iragarki bat prestatu dute Gabonetako kanpainari begira. Aurtengoan, "Braveheart" filma izan dute inspirazio iturri, eta tokiko merkataritzaren gertutasuna aldarrikatu dute.

Arrasate, Oñati eta Bergara artean dago Elorregi auzoa, eta bertan topa dezakegu Sanprubusa. Jon Mugica jabeak azaldu digunez, bi urte behar izan zituzten food truck erraldoi hau martxan jartzeko. Arrakasta handia du, autobus geltokia baitago han, baita Debagoiena zeharkatzen duen bidegorria ere.

Arrasate Euskaldun Dezagun elkartea duela 40 urte sortu zen. Izaskun Moyano kazetaria talde horretako bi ordezkarirekin izan da, eta, bide batez, Arrasateko kaleetan barrena ibili da, bizilagunei euskararen erabilerari buruzko galderak egiten.

Arantzazuko frantziskotarren inguruko pelikularen aurrestreinaldia Zinebiren Bertoko Begiradak sailaren barruan egingo dute, Bilbon. Pello Sarasua zuzendariak eta Naiara Goia Arantzazulab-eko zuzendari nagusiak azaldu dutenez, gizartearekin konpartitu nahi dute fraideek emandako guztia.

Urtero legez, Seguran jokatu da Euskal Herriko Dantza Txapelketa. Aitor Ruiz de Egino artista hernaniarraren garaikur berezia jaso dute bergararrek, bost urtean hiru aldiz lehen saria irabazteagatik ematen dena; izan ere, 2019an eta 2022an ere irabazi zuten txapela.

Julen Murgiondorekin batera iaz Seguran garaile izan zenak "beste txapelketa bat bezala" hartu nahi du larunbatekoa, baina aitortzen du bezperako orduetan urduritasuna izaten dela nagusi.

Aiert Alberdi musikari oñatiarra izan du Joseba Arguiñanok gonbidatu moduan. Bakarlaria da bera eta bere kantu bat eskaini digu.

Carmen Etxeberriak barazkiak ekoizten ditu Bergarako Etxague Azpikoa baserrian eta gero azokan saldu. Horrez gain, erlauntzak ditu eta erleekin nola moldatzen den azaldu digu.

Giza katea egin dute gaur Kontxako hondartzan, Zubietako erraustegia gaitzesteko, baita Bergaran eta Zumarragan instalazio berriak jartzeko proiektuak ere. Errausketaren Aurkako Mugimenduko kidea da Juan Miguel Galatras. EITB Mediari adierazi dionez, "Donostia % 41 bakarrik ari da birziklatzen".

Goizaldeko seiak aldera, Aretxabaletako taberna baten kanpoaldean, hiru gizonen arteko liskar bat tiroketan amaitu da, eta horietako bi zaurituta eraman dituzte ospitalera. Erasotzailea 39 urteko auzotar bat da, eta orain Bergarako polizia etxean da atxilo.

Arrasaten galzorian zegoen 'Arrasateko Erreketaren Eresia' abestiaren historiaren atzetik ibili dira "Sos Kantak" saioan. Abesti horri tiraka, bertsio modernoa eskaini digute Iker Laurobak eta Lide Hernandok.

Aitor Estebanek ohartarazi du Espainako kotizazio sistemak Lagun Aroren pentsio eredu mistoa arriskuan jartzen duela. Nabarmendu du EAJk industria berritzailearen aldeko apustu sendoa egin duela, eta Espainako Gobernuari eskatu diola Europako diru laguntzen kudeaketa erkidegoen esku uztea.

Koalizio Gobernuak aurrera ateratako etxebizitza legea aldarrikatu du Sumarrek Arrasaten, eta EAJri leporatu dio. Sumar mugimenduak azken urteotako lanak bermatzen dituela defendatu dute Kongresurako Gipuzkoako hautagaiek, eta horregatik botoa batzeko deia egin dute.

Europan hazkunde, enplegu eta gizarte babesean daturik onenak dituen herrialdea Espainia da, Rafaela Romero PSE-EEren Kongresurako Gipuzkoako zerrendaburuaren esanetan. Boto erabilgarria emateko deia egin du, eta Memoriarako ere baliatu du ekitaldia, Isaias Carrasco laguna gogoratuz.