Publizitatea
Itxi

2018/08/21

13:56

Zinema

31. edizioa

'Handia' eta 'Carmen y Lola' filmak Europako zinema sarietarako izendatu dituzte

Agentziak | Erredakzioa

Arantxa Echevarria zuzendari bilbotarraren lana eta Jon Garaño eta Aitor Arregi zuzendari gipuzkoarren filma urteko lan onenen artean aukeratu ditu Europako Film Akademiak.

  • 'Handia' filmaren fotograma bat

    'Handia' filmaren fotograma bat

  • Whatsapp
  • Whatsapp
  • Telegram
  • Bidali

Arantxa Echevarria bilbotarrak zuzendutako Carmen y Lola filma eta Jon Garaño eta Aitor Arregi zuzendari gipuzkoarren Handia lana Europako zinema sarietarako izendatu dituzte, astearte goiz honetan jakitera eman dutenez. 31. edizioaren gala Sevillan egingo dute, abenduaren 15ean.

Europa mailan urtero ematen diren zinema sari nagusiak dira, eta euskal zuzendarien bi lan horiek 20 herrialdetako 49 film onenen artean aukeratu ditu Europako Film Akademiak. Besteak beste, Digman (Matteo Garrone) eta The house that Jack built (Lars Von Trier) filmak daude gaur ezagutzera eman duten zerrenda horretan.

Zerrendari dagokionez, Europako Film Akademiako kide gehien dituzten 20 herrialdeek film bana aukeratu dute, eta zuzendaritzak eta gonbidatutako adituek izendatu dituzte gainerakoak.

 

 

  • Hau zure interesekoa bada, baliteke beste gai hauek ere izatea:
  • Zinema
  • Kultura
  • Bisitatuena

      Kargatzen ikusiena
      Kargatzen ikusiena