Zinemaldia
Jaialdia
160.000 ikusle izan ditu Zinemaldiak
Aretoak beteta izan dira "%95ean". Zinemaldian ikusgai izan diren zortzi film AlhóndigaBilbaok proiektatuko ditu datorren astelehenera arte.
Albisteak (1)
Informazio gehiago (1)
Datorren urteko Zinemaldira begira da Donostia, aurtengo edizioan 160.000 ikusle izan ostean, krisia dagoen arren: publikoak ondo erantzun du eta arrakasta lortu dute, antolatzaileen arabera.
Jose Luis Rebordinos Zinemaldiko zuzendariak esan duenez, amaitu berri den edizioak publiko aurrerapen guztiak bete ditu: krisia gorabehera, 160.000 ikus-entzule izan dira zinema jaialdiaren 61. edizioan. Rebordinos Bilbon izan da, Lourdes Fernandez AlhondigaBilbaoko zuzendariarekin batera, izan ere, Zinemaldian ikusgai izan diren zortzi pelikula proiektatuko dituzte Bilboko alondegi zaharrean, datorren astelehenera arte.
"Arrakasta" itzela lortu du edizio honek bai pelikulen harrerari, bai nazioarteko kritikari, bai ikusle kopuruari dagokionez, aurreikuspenen arabera iazkoa baino okerragoa izan behar baitzuen. Behin betiko datuak falta dira, baina Donostiako publikoak portaera "bikaina" izan duela goraipatu du Rebordinosek, eta, krisiak gogor jo arren, "aretoak %95ean bete dira", iazko 157.000 ikusleak gaindituz.
Zinemaldiak filmak aukeratzen egindako lana azpimarratu du zuzendariak, eta, bere ustez, nazioarteko zinemaren joerak, batez ere Latinoamerikatik datozenak, erakusten jarraitzen duela gaineratu du.
"Ile Txarra" pelikula venezuelarrak eskuratu du Urrezko Maskorra, eta zuzendari onenaren Zilarrezko Maskorra Fernando Eimbcke mexikarrarentzat izan da, "Club Sandwich" pelikulagatik.
