telebista
Gaur
CB. Canarias-Uxue Bilbao Basket, zuzenean, ETB-1en eta eitb.com-en
A.A.
EiTB
Horrez gain, Eibarko pilota jaialdia eta Senosiain-Otaegi desafioa.
-
Uxue Bilbao Basket. Argazkia: EFE
Endesa Ligako iganderoko hitzorduak CB. Canarias-Uxue Bilbao Basket partida dakarkigu gaurkoan. 13:00etan hasiko da emanaldia ETB-1en eta eitb.com-en, Asier Arangurenen eta Josean Aldalurren komentarioekin.
16:00etan, ETB-1en, herri kirolen leihoa zabalduko dute. Tolosan jokatuko den Senosiain eta Otaegi aizkolarien arteko desafioaren ingurukoak bilduko dituzte Koldo Aldalurrek eta Joxe Etxebestek.
17:00etan 'ETB Kantxa' saioa hasiko da ETB-1en eta eitb.com-en, Eibarko Astelena pilotalekutik. Bi bikote izango dira aurrez aurre 5 ½an: Aritz Lasa-Merino I / Mendizabal III-Pascual eta Xala-Laskurain / Julen Retegi-Barriola. Xabier Euzkitze, Joxan Tolosa eta Elena Azpeitia arituko dira esatari lanetan.
19:05ean, ETBKn, Legution jokatutako Euskadiko Batel Txapelketaren laburpena egingo du Juanan Legorburuk.
Azkenik, 19:30ean hasita, ETB-1en, futbol jardunaldiaren errepasoa egingo du Mikel Olazabalek 'Gol Festa' saioan.
