telebista

Gaur, 22:20an

Joxe Mari Olasagasti aizkolaria, 'Donostiako Su Artifizialak' saioan

A.H.

EITB

Publikatuta: 2014/08/13 08:40 (UTC+2) Azken eguneratzea: 2020/12/10 12:00 (UTC+1)

Leondik etorritako Pibierzo pirotekniaren erakustaldia eskainiko du saioak gaurkoan, zuzenean.

0:23

• Whatsapp
• Whatsapp
• telegram
• twitt
• Bidali
• Esteka kopiatu

Gaur gauean, Agustin Ezenarro eta Izaro Iraeta aurkezleek Joxe Marti Olasagasti aizkolaria izango dute gonbidatu 'Donostiako Su Artifizialak 2014' saioan, Donostiako Aste Nagusian. Kontxako pasealekutik zuzenean, uda honetan izan dituen txapelketen inguruan arituko da gonbidatua, eta ostegunean, Donostian izango duen Urrezko Aizkoraren txapelketaz ere hitz egingo du.

Bestalde, Unai Etxabek Kursaal Jauregiko terrazan izango den Hip Hop egunaren irudiak ekarriko ditu, eta Nerea Alias, berriz, portuan izango den waterpolo txapelketan ibiliko da.

Amaitzeko, Leondik datorren Pibierzo pirotekniaren erakustaldia eskainiko dute zuzenean, 22:45etik aurrera.

'Donostiako Su Artifizialak 2014' gaur gauean emitituko da, 22:20tik aurrera, ETB1en.