"Ura, belaunetik behera"

Baserrian jaio zen Amalur Arbelaiz 40 urteko oiartzuarra. Ofizioz, garbitzailea eta jangelako begiralea da.

Gozozale amorratua da Amalur. Kirola egitea asko gustatzen zaio eta sokatira praktikatzen du. Parranda egitea ere gustatzen zaio tarteka, nahiz eta aukera askorik ez izan. Oso gazterik izan zuen lehenbiziko haurra, 17 urterekin. Eta orain lau seme-alaben ama da!

Txori exotikoak, arraroak ere asko gustatzen zaizkio. Amalurrek 100 txori inguru ditu.

Burugogor xamarra da, alaia, baikorra eta beti laguntzeko prest dagoena. Ez ditu pertsona alperrak gustuko. Urari izugarrizko beldurra dio eta ez daki igerian.