Goenkale
Gaur gauean
Izaskunen mundua behera dator, 'Goenkale'n
EiTB
Jagobak utzi egin du. Igor, senarra, gero eta gehiago edaten ari da. Eta ezin dio Arantzari ezer kontatu. Izaskunek gero eta okerrago dagoela sentituko du hurrengo atalean.
Bideoak (1)
Informazio gehiago (1)
Izaskunen mundua eta ingurua behera datoz, poliki-poliki, 'Goenkale' telesailean. Gaur gaueko atalean, Jagobak bien artean zegoen harremana hautsi du, Hodeiri hala agindu ziolako, baina ez dio azalpenik eman nahi Izaskuni. Horrez gainera, Igor, Izaskunen senarra, gero eta gehiago ari da edaten, eta jasangaitz dago. Eta, noski, Izaskunek ezin du Arantzarekin hitz egin bere arazoei buruz...
Bestetik, Paskalek ezin du Arantza jasan, Marta hiltzen utzi zuela jakin ostean, eta bere ama biologikoaren bila jarraitzeko asmoa du oraindik. Izeba Joelli galdetzea erabaki du.
Dena da haserrea 'Goenkale'n une honetan, antza. Esther eta Alizia ere haserre daude, Aliziak Esther Lukasekin ikusi zuelako. Estherrek Kandidori ezer ez esateko eskatuko dio, baina jakingo ote du azkenean egia Kandidok?
Tania ere ez dago oso eroso Landerrekin hasi berri duen harremanarekin. Lander gero eta maiteminduago dago, baina Tania ez.
Hau guztia gaur gauean, 22:30ean, ETB1en eta eitb.eus-en.
