Prestaketa

Belar-gatza egiteko:

Hostoak garbitu eta sukaldeko paperaren laguntzarekin ongi xukatu.

Baratxuria xaflatan moztu.

Gatzari ardo zuria gehitu, koilaratxokadaka.

Labeko erreteiluaren gainean paper sulfurizatua jarri eta honen gainean, ilaratan, hostoak eta baratxuri xaflak jarri. Erreteiluaren alde batean gatz-ilara jartzeko lekua utzi.

Labean egin: 60 °Can, lehortu.  Baratxuriak gorritzen hasten direnean baztertu eta hostoei denbora gehiago eman.

Libre utzi dugun tokian gatza zabaldu eta beste 5 minutu gehiago utzi.

Guztia prest dugunean errotan ehotu, itsas-mihilu hautsarekin batera.

Dilista eta bieira crumblea:

Dilistak barazki saldatan 40 minutuz egosi.

Tipulinak zuritu, Julianan moztu eta zartagian erregosten jarri.

Azenarioak eta kuiatxoak zuritu eta brunoise erara moztu. Segidan, zartagira erantsi eta tipulinarekin batera sueztitu.

Bieirak garbitu eta plantxan markatu eta ondoren zatitu.

Ontzi sakon batean dilistak, barazkiak, bieira zatiak eta

belar-gatza nahasi.

Beste ontzi batean crumblea egiteko behar diren osagai guztiak gehitu eta hatzekin bildu, bolatxo formak emanez.

Labeko erreteiluaren oinarrian dilista nahaskia zabaldu eta honen gainean, dilistak ongi estaliz,  crumble orea.

15 minutuz 200 °Can labean egin. Azken minutuan nahi bada gratinadorea jarri.

Labetik atera, epeltzen utzi eta itsas mihiluarekin apaindu.