lehenengoak
Betegarria
Tipula brunoise eran moztuko dugu, txiki-txiki eginda, eta ontzi sakon batean erregosten jarriko dugu olio txorrotada batekin. Porrua ere modu berean moztu eta ontzira gehituko dugu. Piper beltza ere botako diogu. Erregosi direnean, kontserbako tomateak edo tomate saltsa gehituko dugu. Ondoren, dilistak eta apioa bota eta urez estaliko dugu. Ontziari tapa jarriko diogu. Lehendabizi su bizian jarri irakiten hasten den arte eta ondoren, su-ertainera jaitsi eta 35-40 minutuz egosi.
Alberjiniak
Alberjiniak xerratan moztuko ditugu eta gatza botako diegu. Zartagin batean olio txorrotada batekin gorritu eta geroko gordeko ditugu.
Bexamela
Tipuleta txiki-txiki moztuko dugu eta gurinarekin erregosten jarriko dugu, gatza eta piperbeltza bota ondoren. Egin denean irina gehituko dugu eta hagaxka batekin bueltak emango dizkiogu ondo nahasteko. Segidan esne apur bat bota eta berriz ere ondo nahastuko dugu. Ondoren, gainerako esnea botatzen segiko dugu, nahasteari utzi gabe, saltsa itxura hartu arte. Amaieran, gruyer gazta botako dugu eta ondo nahasiko dugu.
Montatzea
Labea 200ºC-tan berotzen jarriko dugu.
Labeko ontzi batean alberjinia geruza bat jarri. Gainean, dilista nahaskia zabalduko dugu. Segidan beste alberjinia geruza bat jarriko dugu. Ondoren, gainertik bexamela botako diogu eta azkenik, gazta birrinduarekin estaliko dugu.
Ontzia labean sartu eta 20 minutuz egiten utziko dugu.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa