Euskal Herriko Itzulia 2024
3. etapa
Euskal Herriko Itzulia: Gavazzik irabazi du esprintean
Erredakzioa
Lampre taldeko txirrindulari italiarrak irabazi du Amurrion bukatu den etapa Freire eta Velitsen aurretik. Oscar Freire (Rabobank) da itzuliko lider berria.
Francesco Gavazzi, Lampre taldeko txirrindulariak irabazi du Euskal Herriko Itzuliko hirugarren etapa, Freire, lider berriaren aurretik. Tropelak, Viana eta Amurrio arteko 187 kilometroko etapa gogor bati aurre egin behar izan dio.
Gavazzik talde printzipalean irabazi du. Talde horretan Valverde (Caisse''Epargne) ez da sartu eta murtziarra ez da etapa irabazteko borrokan sartu gaurkoan.
Valverdek lidergoa galdu du izan ere epaileek 2 segundoko aldea kendu dute 11.sailkatutik aurrera eta Oscar Freire jantzi da liderraren mailotarekin.
Euskaldunen partaidetza ona izan da, Euskaltel Esukadiko Egoi Martinez eta Alan Perez eta Fotumeko Iban Mayoz sartu direlako eguneko ihesaldi nagusian Vorganov, Albasini eta Di Gregoriorekin batera.
