Itxi

Jesus Torquemada

Iruzkina

Eskoziarrei iruzur egin zieten

Jesus Torquemada

Eskoziarrak Europar Batasunetik kanpo geratuko dira euren borondatearen aurka, ingelesek ezarritako 'brexit'a gauzatzen denean.

Nicola Sturgeon Eskoziako ministro nagusiak ofizialki eskatu dio Boris Johnson Erresuma Batuko lehen ministroari datorren urtean Eskoziaren independentziari buruzko erreferenduma antola dezala. Eta ez da erraza Sturgeonen arrazoiei ezetz esatea. 2014ko independentzia erreferendumean ezezkoak irabazi zuen 10 puntuko aldeaz. Eskoziar asko beldur zen, Eskozia burujabe bihurtuko balitz Europar Batasunetik kanpo geratuko zela.

2016ko brexit-aren erreferendumean eskoziarrek argi eta ozen esan zuten berriro Europar Batasuneko kide izaten jarraitu nahi zutela. Eskoziarren % 62k brexit-aren aurkako botoa eman zuen; ingelesen botoei esker atera zen batez ere aurrera brexit-a. Eta, hala ere, orain eskoziarrak bere borondatearen aurka Europar Batasunetik kanpo geratuko dira, ingelesek ezarritako brexit-a gauzatzen denean. Eskoziarrei, nolabait, iruzur egin diete. Horregatik Sturgeonek dio 2014tik egoera aldatu egin dela, eta berriro galdetu behar dietela eskoziarrei.

  • Bisitatuena

      Kargatzen ikusiena
      Kargatzen ikusiena