Alerta laranja, metro karratuko 80 litroko euriteengatik

Segurtasun Sailak 24 orduan 80 l/m2 baino gehiago pilatzeko probabilitate handiari dagokion alerta laranja ezarri du Kantauri isurialdean.

Euskalmet Euskal Meteorologia Agentziaren arabera, asteartean euri jasa handiak espero dira. Elur-kota 1.000 eta 1.200 metro artean egongo da eta gauean, 1.300 eta 1.400 metrora igoko da.

Bihar halaber, haizeari dagokion abisu horia jarri dute eta 3 eta 4 metro arteko olatuak espero dira.

Errepideak

Errepideen egoerari dagokionez, Arabako Herrera gainetik ibiltzeko ibilgailuek kateak behar dituzte elurragatik, Jaurlaritzako Trafiko Zuzendaritzaren arabera. Halaber, kamioientzat Urruñako mendatea itxi dute, eta bertatik igarotzeko kateak behar dituzte gainontzeko ibilgailuek, Segurtasun Sailak jakitera eman duenez.

Errepide sare nagusian, berriz, ez dago inolako arazorik eta, bigarren mailakoan, Arabako Azazeta eta Opakua gainetan zuhurtziaz gidatzeko gomendioa eman dute, izotza dagoelako.

Nafarroa

Nafarroako Gobernuak lan-talde berezia martxan jarri du, elurra kentzeko 32 makinarekin. Iragarpenen arabera, elurra 60 metrotik gora bota dezake.