Hodeiak eta euria ostirala arte EAEn

Gaur, asteazkena, zeruan hodeiak eta ostarteak agertuko dira goizean eta eguzkiaz gozatu ahal izango dugu batez ere barrualdean, Euskalmeten arabera. Eguerdian ipar-haizeak hodeiak ekarriko ditu eta zirimiri apur bat egin dezake kostaldean. Tenperatura maximoak 22-25 gradu inguruan izango dira.

Ostegunean, goizean goiz behe-lainoa eta giro umela barrualdean eta kostaldean euria egingo du. Atertzeko joera hartuko du eguerdian eta ostarteak zabalduko dira arratsaldean. Ipar-haizeak tenperaturak 22-25 gradu inguruan mantentzea eragingo du.

Eguzkia nagusituko da ostiralean. Goizaldean hodeiak ikusi ahal izango dira kostaldean, baina goizean bertan desagertu egingo dira. Kostaldean tenperaturak berdin mantenduko dira eta barrualdean 24-26 gradutara iritziko dira.