11:57

eguraldia

Iragarpena

Zeru urdina asteazkena arte eta tenperaturak goranzko bidean

Erredakzioa

Goizaldean behe-lainoa izan arren, zerua garbi izango dugu asteazken arratsaldera arte; hodeiak sartzen hasiko dira orduan.

  • Whatsapp
  • Whatsapp
  • telegram
  • Bidali

Gaur, astelehena, goizaldean hodeiekin esnatuko gara, baina goiza aurrera joan ahala desegingo dira eta arratsaldean eguzkia nagusituko da, Euskalmeten arabera. Barrualdean, zerua garbi agertuko da goizaldeko behe-lainoen ostean. Tenperaturak gora egingo du apur bat eta 23-25 gradu inguruan izango dugu; Ebroko bailaran pixka bat altuagoa izango da.

Asteartean zeru urdina izango dugu lurralde osoan, eguzkiak goizaldean barnealdeko zenbait haranetako behe-lainoak berehala xurgatuko dituelako. Bero handiagoa egingo du egunez eta termometroak 30 gradura gerturatuko dira Nafarroan. Goizaldean fresko egingo du eta minimoak 5-10 gradu inguruan izango dira barrualdeko hainbat zonaldetan.

Asteazken goizean zerua garbi izango dugu, baina arratsaldean, iparreko haizeak itsasaldetik kostaldera behe-hodeiak iristea eragingo du. Barrualdera goi-hodeiak iritsiko dira arratsaldean. Tenperaturak ez du aldaketa handirik izango.

Iruzkinak

    Bisitatuena

      Kargatzen ikusiena
      Kargatzen ikusiena