Euria eta hotza nagusi asteburuan

Larunbatean, egunak aurrera egin ahala, giroa kaskartuz joango da. Eguraldi politarekin hasiko dugu asteburua, ostarte zabalekin, baina eguerdirako ilunduz joango da. Fronte batek hodei ilunak ekarriko ditu eta arratsaldean euritara egingo du, bereziki kantauri isurialdean.

Goizalde fresko baten ostean, 13-16 ºC artean mugituko dira termometroak eguerdi partean, baina arratsaldean giroa hoztuz joango da.

Igandean asko hoztuko da giroa eta euria botako du. Aire masa hotz baten ondorioz eta tenperaturak nabarmen egingo du behera; termometroak aurreko eguneko balioekin alderatuz 4-6 ºC beherago kokatuko dira eguerdi partean.

Termometroen jaitsieraz gain, zeruan hodei trinkoak gailenduko dira eta zaparradak botako ditu. Iparraldeko haizea ere zakar ibiliko da, bolada gogorrekin. Egoera honekin, elur-kota 1000 m-ren azpitik jaitsiko da egunean zehar.