10:42

eguraldia

Eguraldia

Eguraldiak hobera egingo du astebururako

Erredakzioa

Ostarteak nagusitzen joango dira. Haizeak iparraldetrik jotzen jarraituko du baina indar gutxiagorekin eta tenperatura apur bat igoko da.

  • Whatsapp
  • Whatsapp
  • telegram
  • Bidali

Ostiralean lurralde osoan eguraldiak hobera egingo du nabarmen. Euskalmeten arabera, goizean zeruan aurreko egunetako hodei hondarrak agertuko dira oraindik, iparraldean batez ere, baina ez digute euririk ekarriko. Arratsaldea, berriz, eguzkitsua izango da edonon.

Haizeak ere ahultzera egingo du, baina iparraldetik ibiliko da momentuz. Tenperatura maximoak igo eta kostaldean 16 ºC ingurura ere ailegatuko dira. Gaua freskoagoa izango da eta Araba eta Nafarroako mendiko bailaretan izotza egiteko arriskua dago.

Larunbatean fronte ahul bat hurbilduko zaigu eta hodeiak ekarriko dizkigu, iparraldera batez ere; hegoalderaino ez dira ailegatuko hodei horiek eta bertan eguraldi eguzkitsua espero da.

Haizeak iparraldetik joko du, baina ahul ibiliko da eta giro atsegina edukiko dugu orokorrean. Tenperatura minimoak hotzak izango dira eta Arabako eta Nafarroako mendi inguruetan izotza egiteko arriskua dago berriro.

Iruzkinak

    Bisitatuena

      Kargatzen ikusiena
      Kargatzen ikusiena