Eguraldiak okerrera egingo du eta euria nagusituko da aste hasieran

Igandean eguraldiak txarrera egingo du. Euskalmeten arabera, hodeiak ugariak izango dira eta noizbehinka euria egingo du, arratsaldean eta kantauri isurialdean batez ere. Gauean atertU egingo du, mendebaldean lehenengo, eta ekialdeko eskualdeetan gero.

Goizean goiz hego-haizea ibiliko da oraindik, baina ondoren mendebaldera eta ipar-mendebaldetik joko du eta tenperatura jaitsi egingo du horregatik. Maximoa 14-16ºC artean ibiliko dira.

Giro motelarekin hasiko dugu astea. Astelehenean, hodeiak nagusituko badira ere, ez da erabat estalita egongo eta tarteka ostarte batzuk irekiko dira, bereziki eguerditik aurrera. Hodeigune ilunek, tarteka zaparrada txikiak utziko dituzte, batez ere kantauri isurialdean eta bereziki egunaren lehenengo partean; arratsaldean euria egitekotan, urria izango da eta han-hemenka egingo du.

Mendebaldetik joko du haizeak, ipar ukituarekin. Tenperaturan aldaketa handirik ez, eta eguneko beroenak 12-16 ºC artean geldituko dira.