Giro nahasia eta tenperatura pixka bat igoko da, Euskadin

Ostegun honetan ezegonkortasunarekin jarraituko dugu, Euskalmet Euskal Meteorologia Agentziaren arabera. Erdi mailako hodei eta goi-hodei ugari izango da zeruan, baina hala ere tarteka urdinguneak irekiko dira. Arratsaldean, ordea, ezegonkortasuna nabaria izango da eta baliteke euria egitea, hots, zaparrada trumoitsuak bota ditzake han-hemenka. Tenperatura igo egingo da eta sargori puntua izango da.

Ostiralean giro eguzkitsua izango da. Egunaren lehen partean hodei gutxi ikusiko da zeruan, baina eguerditik aurrera bero-hodeiak ugaritu egingo dira eta oso litekeena da eguna amaitzerako zaparrada trumoitsuak botatzea. Tenperaturari dagokionez, aldaketa handirik ez da egongo.

Larunbatean giro nahasia egingo du. Haizea ipar-mendebaldera aldatuko da eta tenperaturaren jaitsiera eragingo du. Zeruari dagokionez, ostarteak eta hodei ilunak tartekatuko dira eta baliteke zaparrada trumoitsuak botatzea. Ezegonkortasunarekin jarraituko dugu.

Ikus itzazu erabiltzaileek bidalitako argazkiak Eguraldiblogen.