00:09

eguraldia

Eguraldia

Izotza asteazkenera arte izango da Euskadin, Araban batez ere

Erredakzioa

Gaur ez da aldaketarik espero eta zerua garbi egongo da egun osoz. Tenperatura maximoak 14 gradu ingurura iritsiko dira kostaldean, eta 10 gradura heldu ezinik ibiliko dira barnealdean.

  • Arabak izotza pairatuko du. Argazkia: Inocencio Goikuria.

    Arabak izotza pairatuko du. Argazkia: Inocencio Goikuria.

  • Whatsapp
  • Whatsapp
  • telegram
  • Bidali

Eusko Jaurlaritzaren Meteorologia eta Larrialdi Zuzendaritzak asteazkenera arte luzatu du izotzari dagokion abisu horia Euskal Autonomia Erkidegoko barnealdean, bereziki Araban.

Euskalmet Meteorologiaren Euskal Agentziaren iragarpenaren arabera, gaur ez da aldaketarik espero eta zerua garbi egongo da egun osoz. Behe-lainoa sortuko da egunsentian eta baliteke Ebro bailaran egun osoan ez jasotzea. Hegoaldeko haizea astelehenean baino biziago ibiliko da, bereziki egunaren amaieran.

Tenperatura maximoak 14 gradu ingurura iritsiko dira kostaldean, eta 10 gradura heldu ezinik ibiliko dira barnealdean. Egunsentian eta gauean adi, ze barnealdeko leku askotan egingo du izotza. Hiriburuetan, Bilbon 3 gradu espero dira gutxienez eta 14 gehienez, Donostian 2 gutxienez eta 14 gehienez, Gasteizen -3 gutxienez eta 10 gehienez, eta Iruñean -4 gutxienez eta 10 gehienez.

Asteazkenean, izotzari dagokion abisu horia mantenduko da barnealdean, 0:00etatik 10:00etara. Goizaldean eta goizean goiz barnealdean izotz txikia egingo du.


Iruzkinak

  • Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena