Miren Iribarrenen Lekunberriko argazki bat, garaile ibaien 'Erronka'n

Lekunberrin hartutako argazki batek eman dio Miren Iribarren erabiltzaileari garaipena ibaien "Erronka"n. Irabazleak botoen % 23 lortu du Isidoro Francisco Arbizuri gailentzeko; azken horrek, botoen % 13rekin, eta Mikel Gascak, botoen % 11rekin, bigarren eta hirugarren postuak eskuratu dituzte azaroaren lehen ‘Erronka’ honetan.

Lehen aldiz lortu du Mirenek lehen postua "Erronka"n. ETBko "Eguraldia"k eta eitb.com-ek antolatzen duten lehiaketa, hortaz, honela amaitu da azken aste honetan, finalistak izatea lortu duten edukiei dagokienez:

Miren Iribarren: % 23
Isidoro Francisco Arbizu: % 13
Mikel Gasca: % 11
Ion Otxoa: % 6
Joaquín Sánchez Romero: % 5
Javier Legaz: % 5
Juan Lameirinhas: % 5
Lorentxo Portularrume: % 4
Mila Egiguren: % 2
Inocencio Goikuria: % 1

Laster jakingo dugu zein izango den azaroaren 5etik 11ra arteko asterako "Erronkak" proposatuko duen gaia.