EAE-ko Hauteskundeak 2024 -
Hautagai-zerrendak
Pastor: 'Agerikoa da Lopez lehenengoa izango dela zerrendaren batean'
Ordezkari sozialistaren arabera, hiru lurralde historikoen zerrenda-buruak hurrengo asteetan erabakiko dira, listak osatzeko egingo dituzten prozesuetan.
Jose Antonio Pastor PSE-EEko ordezkariak azaldu du bere alderdiak hasi dituela, jada, hurrengo euskal hauteskundeetara aurkeztuko dituzten zerrendak osatzeko prozesua, eta "Patxi Lopez zerrendaren batean lehenengo postuan" aurkeztuko dela baieztatu du, "nahiz eta oraindik ez dugun zehaztu zein lurraldetatik aurkeztuko den".
Bilbon egindako prentsaurreko batean, ordezkari sozialistak hiru lurraldeen zerrenda-buruak hurrengo asteetan erabakiko direla azaldu du, zerrendak osatzeko egingo dituzten prozesuetan. Prozesu horiek herri asanbladen bitartez egiten dira, eta Batzorde Nazionalaren eta Batzorde Exekutiboaren onespena jaso behar dute.
"Bistakoa da"
PSEko idazkari nagusiaren eta lehendakariaren kasuan, Lopezek "zerrendaren batean lehenengo postua" beteko duela argitu du Pastorrek, "baina oraindik zehazteke dago zein lurraldeko zerrendatan parte hartuko duen". Listak ahalik eta arinen aurkeztu nahi dituztela gaineratu du.
