EAE-ko Hauteskundeak 2024 -
Jaurlaritzaren oharra
EAJri Iturrateren adierazpenak zuzentzea eskatu dio Jaurlaritzak
Rodolfo Aresek kargua utzita, PSE-EEk "Gobernu-egitura" hauteskunde kanpaina egiteko aukera azpimarratu zuen EAJko ordezkariak.
Erredakzioa
Iñigo Iturratek egindako adierazpenak babestu ala baztertu egiten dituen "jendaurrean agertzeko" exijitu dio Patxi Lopezen Exekutiboak EAJri.
Iragan asteazkenean, EAJko legebiltzarkide eta Legebiltzarreko bigarren presidenteordeak PSE-EEren inguruko beldurrak agertu zituen; sozialistek "Gobernuaren egitura" hauteskunde kanpainarako erabiltzea, alegia. Iturrateren hitzetan, Rodolfo Aresek Herrizaingo Sailetik "ihes" egin arren, "hauteskundeez arduartzen den taldearen buruan sailburuak izendatutako pertsonek jarraituko dute".
Patxi Lopezen Exekutiboak "alderdikeria" eta "abantailakeria" leporatzen diotela ikusita, "adierazpen iraingarri horiek zuzentzeko eskatu arren, Iturratek eta EAJk ez dute horrelakorik egin".
"Eusko Jaurlaritzak ezin du horrelako erasorik onartu", esaten dute idatzian, "eta ez ditu inoiz onartuko, ezta hauteskunte-aurrekanpainaren jokoaren barruan ere".
Ondorioak
Gauzak horrela, Iñigo Urkullu EAJko presidenteari Iturrateren hitzak babestu edo ezeztatu egiten dituen "jendaurrean" agertzeko eskatzen dio. "Bestela, Jaurlaritzak Iturrateren adierazpena aztertuko ditu bestelako ondorioak izan dezaketen ala ez ikusteko, eta azterketa hori oinarri hartuta jokatuko du".
