EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

14:39

EAE-ko Hauteskundeak 2020

Ekitaldia Donostian

EH Bildu: 'Espainiako haitzuloetakoek sustoa hartuko dute U-21ean'

Erredakzioa

Koalizio abertzaleak Gipuzkoako zerrendako kideak aurkeztu ditu.

  • EH Bilduren GIpuzkoako zerrendako kideak. EFE

    EH Bilduren Gipuzkoako zerrendako kideak. EFE

  • Whatsapp
  • Whatsapp
  • telegram
  • Bidali

Rebeka Ubera EH Bilduk Gipuzkoan duen hautagaiak adierazi duenez, "Espainiako haitzuloetakoak Kataluniako Diadan urduri jarri ziren", eta urriaren 21eko hauteskundeetan "beste susto bat hartuko dute", "Espainia zatiezinaren zimenduak gero eta ahulagoak baitira".

Koalizio abertzaleak Gipuzkoako zerrenda aurkeztu du gaur, Donostian egindako ekitaldi batean.

Zerrendako buruak Xabier Isasi, Peio Urizar eta Marian Beitialarrangoitia dira, eta ondoren honakoak daude: Rebeka Ubera, Lur Etxeberria, Juanjo Agirrezabala, Iñaki Lazarobaster, Unai Urruzuno, Diana Carolina Urrea, Lorea Agirre, Maider Otamendi, Jose Luis Otamendi, Ainhoa Beola, Manu Egaña, Aurkene Astibia, Iñaki Ostolaza, Josu Aztiria, Alba Fatuarte, Aitor Lizarralde, Eider Mitxelena, Sergio San Jose, Diego Barrado, Idoia Etxeberria, Kristina Alkezar eta Joseba Osoro.

Hautagai horiek ez ezik, ekitaldian Martin Garitano Gipuzkoako ahaldun nagusia eta Pernando Barrena ezker abertzaleko kidea ere izan dira.

Isasik "ezberdinen arteko akordioak" egitea aldarrikatu du, eta subiranotasuna eta pertsona guztien erabakitzeko eskubidearen errespetua ere aipatu ditu koalizioaren ardatzen artean.

Halaber, EH Bildu EAJk, PSEk eta PPk sustatzen duten azpiegitura handien ereduaren "alternatiba bakarra" dela nabarmendu du.



Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena