EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

21:03

EAE-ko Hauteskundeak 2020

U-21

'ETAren beldurrezko iragana ez ahazteko konpromisoa' hartu du Lopezek

Erredakzioa

Terrorismoaren biktimak izan dira igande honetan ospatuko diren hauteskundeetarako azken kanpaina-ekitaldiko protagonista nagusiak.

01:04
  • Whatsapp
  • Whatsapp
  • telegram
  • Bidali

Patxi Lopez lehendakari eta PSE-EEko hautagaiak ETAk eragindako "beldurrezko iragana" ez ahazteko konpromisoa hartu du hateskunde-kanpainako azken ekitaldian. "Betirako izango dugu gogoan terrorismoaren biktimen eredua", azaldu du Lopezek.

Lehendakaria terrorismoaren biktimez mintzatu da igande honetan ospatuko diren hauteskundeetarako azken kanpaina-ekitaldian egin duen diskurtsoan.

Gasteizen ETAren biktimak oroitzen dituen monolitoaren aurrean, eta bere aldekoen konpainian, "inoiz gehiago ez errepikatzeko, totalitarismoaren arrazoigabekeria" ez ahazteko eskatu du.

"Euskadira bakea ekarri dutela esaten dutenak gezurretan ari dira, hiltzeari utzi baitiote soilik". Horrez gain, euskal gizarteak ETAri ez diola ezer zor gogorarazi du.

Euskadin zabaldu den garai berri honetan, "bakea eta bizikidetza finkatzeko helburua" izango duela azaldu du Lopezek. "Inork ezingo du Euskadi bitan banatu", ohartarazi die abertzaleei.

"Odolez betetako errealitatea"

PSEren buruzagiaren arabera, "ETAren aurkako borroka, biktimak erreferente izan ditugun borroka etiko bat izan da", eta ezker abertzaletik bakea lortu dutela esan dutenei "gezurretan aritu izana" leporatu die. "Euskadira bakea ekarri dutela esaten dutenak gezurretan ari dira, hiltzeari utzi baitiote soilik", esan du.

Hautagai sozialistarentzat, "odolez betetako errealitate bat izan dugula da benetan gertatu dena, eta hau guztia ez ahazteko beharra daukagu. Beldurrezko iragana ez ahazteko konpromisoa hartuko dut, eta askotan ahanzturan jauzi diren biktimen bidea hartuko dut eredu modura. Demokrazia eta gu defendatzen gaituzten erakundeak defendatuko ditut", gaineratu du.

Azken ekitaldi hori baino bi ordu lehenago, Lopezek ekitaldi labur bat ospatu du Gasteizko Zaramaga auzoan. Bertan, "bere zerbitzu publikoak defendatzen dituen eskubide sozialen Euskadik irabazteko, eta mugarik gabeko murrizketen Euskadik galtzeko" helburuarekin, igandean bozka emateko eskatu die euskaldunei.


Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena