EAE-ko Hauteskundeak 2024 -
Salaketa
Diligentziak, Lopezek boza eman zuenean izandako istiluak argitzeko
Patxi Lopezek boza eman zuenean presoen aldeko pankartak zeramatzan lagun talde baten aurka salaketa jarri zuen Manos Limpias sindikatuak.
Erredakzioa
EAEko Justizia Auzitegi Nagusiko Fiskaltzak diligentziak ireki ditu Patxi Lopezek eta bere emazteak EAEko Legebiltzarrerako hauteskunde-egunean botoa eman zutenean istiluak eragin zituztenen aurka.
Manos Limpias sindikatuak salaketa jarri zuen gertaera "Estatuko erakundeen eta botere banaketaren aurkako delitua" zelakoan.
Sindikatuak ohar batean jakinarazi duenez, EAEko Justizia Auzitegi Nagusiko Fiskaltzak diligentziak irekitzea erabaki du eta hauteskunde delitua gehitu du.
Istiluak Bilboko Iruarteta hauteslekuan gertatu ziren. Patxi Lopez eta bere emaztea bozkatzera joan ziren, bertan zain zegoen talde batek "Preso eta iheslariak etxera" zioten pankartak atera zituen, eta PSE-EEren hautagaiaren segurtasun taldeko kideekin tentsio uneak egon ziren.