EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

16:50

EAE-ko Hauteskundeak 2020

Jaurlaritzaren inkesta

EAJren eta EH Bilduren arteko gobernua, EAEko biztanleen faboritoa

Erredakzioa

Bigarren aukera bozkatuena EAJk gutxiengoan gobernatzea da, eta, hirugarrena, EAJren eta PSE-EEren arteko koalizioa.

00:33
  • Whatsapp
  • Whatsapp
  • telegram
  • Bidali

Urriaren 21eko hauteskundeen emaitzak eskuan, EAEko biztanleek EAJren eta EH Bilduren arteko koalizio gobernu bat nahi dute, Eusko Jaurlaritzak publikatutako inkesta baten arabera.

Hain zuzen ere, EAEko biztanleen % 26k nahiago dute jeltzaleen eta abertzaleen arteko gobernua.

Bigarren aukera bozkatuena EAJk gutxiengoan gobernatzea da, herritarren % 23k hori nahi baitute.

Azken formula EAJren eta PSE-EEren arteko koalizioa da, botoen % 22rekin. Beste % 22k ez dute erantzun.

BESTE DATU BATZUK

Inkestaren arabera, herritarren % 60k "batik bat positibotzat" jotzen dituzte emaitzak, eta % 13k "batik bat negatibotzat". Hori bai, % 96 pozik agertu dira bozkatutakoarekin.

Hamar biztanletik zazpiren kasuan, hauteskunde kanpainak ez du alderdien programen arteko aldeak ezagutzeko balio, eta % 19k baino ez dute baliagarritzat jo.

Hori horrela, % 77k kanpaina baino lehen erabaki zuten zer bozkatu, % 12k kanpainan bertan, % 8k hauteskundeen egunean, eta % 3k hausnarketa egunean.

Zer bozkatu duten galdetuta, nabarmentzekoa da inkestatuen % 3,9k baino ez dutela aitortu PPren alde egin dutela (hauteskundeetan, botoen % 11,6 jaso zituen).

Bozkatzera joan ez zirenen artean, arrazoi nagusia (% 47) politikariekin desengainua sentitzen dutela da.

Bestalde, % 48k beti alderdi beraren alde bozkatzen dute; % 25ek hauteskunde motaren arabera erabakitzen dute, eta % 26k beste argudio batzuk dituzte.

0tik 10era, % 26k oso nazionalistatzat dituzte euren buruak, % 20ek batere nazionalistatzat, eta % 44 erdiko bidean kokatu dira.

Inkestaren emaitzak hauteskundeak egin eta bi astera jakinarazi dituzte.

Hauteskunde horietan, EAJk 26 eserleku eskuratu zituen, EH Bilduk, 21; PSE-EEk, 16; PPk, 10; eta UPyDk, 1.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena