Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

10:30

Albisteak

Ustelkeri akusazioak

Soraya Rodriguezen aurka auzitara jotzea aztertzen ari da Cañete

Erredakzioa

Diru beltzean gainsoldatak jasotzen dituela iradokitzea egotzi dio PPren hautagaiak PSOEko bozeramaileari.

  • Arias Cañete PPren hautagaia. EFE

    Arias Cañete PPren hautagaia. EFE

  • Whatsapp
  • Whatsapp
  • telegram
  • Bidali

Miguel Arias Cañete PPren Europako hauteskundeetarako zerrendaburua Soraya Rodriguez PSOEko bozeramaileari zuzendu zaio asteazken honetan, eta berak edo Soraya Saenz de Santamaria Espainiako Gobernuko presidenteordeak diru beltzean gainsoldatak jaso dituztela Diputatuen Kongresutik kanpo esaten badu, "handik eta hilabetera" auzitara joko duela ohartarazi dio.

Telecinco telebista-katean egindako elkarrizketa batean, Rodriguezek akusazio hori iradoki duela esan du Cañetek. "Bere burua auzitegietan defendatu ahalko du", gaineratu du.

Ministro ohiaren esanetan, oposizioko diputatu zenean 2.200 euroko soldata jasotzen zuen PPren partetik, alderdiko Ekonomia eta Enplegu idazkaria zelako. Horretaz aparte, diputatu soldata ere zuen.

Cañetek adierazi duenez, PPk ematen zion diru hori "soldata bat" zen, ez "gainsoldata" bat, eta diru beltzean kobratzen zuela iradokitzea egotzi dio Rodriguezi. Hori dela eta, "ausarta" izan dadin, eta akusazio hori "argi eta garbi" egiteko eskatu dio.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena