Europar Parlamentua berritzeko 2014an egingo diren hauteskundeei buruzko albisteak | EITB Europako Hauteskundeak

Europakoak 2019

13:01

Albisteak

Hauteskundeak

Izaskun Bilbao: 'EAJk Euskadiren irudia garbitu du Europan'

Erredakzioa

"Ni heldu nintzenean, Euskadiren inguruan saltzen zuten irudia biolentziarena zen; dena zen bat, nazionalismoa, instituzioak, biolentzia", adierazi du eurodiputatuak.

  • Whatsapp
  • Whatsapp
  • telegram
  • Bidali

Izaskun Bilbao Europako hauteskundeetarako EAJren hautagaiak adierazi duenez, EAJren lanak "Euskadiren irudia garbitzen lagundu du Europako parlamentuan".

"Ni heldu nintzenean, Euskadiren inguruan saltzen zuten irudia biolentziarena zen; dena zen bat, nazionalismoa, instituzioak, biolentzia... eta PSOE eta PP ziren irudi hori azaltzen zutenak", adierazi du eurodiputatuak.

Izaskun Bilbaok EAJren hauteskunde-programa aurkeztu du Europako hauteskundeetarako. CiUrekin eta beste alderdi batzuekin aurkezten da eta bigarren hautagaia da.

PPk eta PSOEk "boto erabilgarria" eskatzen dute eta Izaskun Bilbaok esan duenez, "bai, testigantzazko parte hartzea izan dugu, baina Euskadiren irudia garbitu dugu Europako parlamentuan".

"Testigantzazko parte hartzea izan dugu -gaineratu du Bilbaok-, baina Euskadik eta Espainiak eredu ekonomiko eta sozial ezberdinak ditugula jakinarazi dugu eta terrorismoaren aurkako borrokaren aitzakiarekin egin diren giza eskubideen urraketak. Gu ez bagina, ez luke inork egingo eta horregatik gara hain gogaikarriak askorentzat", esan du.

Euskal nortasuna Europan hedatzeari buruz, Bilbaok gogoratu du 30 eurodiputatuk Estrasburgeko manifestua idatzi dutela: Europari gutxiengoek eta Estatuek duten arazoetan parte hartzea eskatu diete, bien arteko konponbidea ezinezkoa denean.

Eurodiputatuak eskatu du EAEko biztanleek Eskoziakoen eskubide berak edukitzea: erreferendumean erabaki ahal izango dute Erresuma Batutik independentzia lortzen duten ala ez.

  • Hau zure interesekoa bada, baliteke beste gai hauek ere izatea:
  • Izaskun Bilbao

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena