EH Bilduren arabera, 'Europan estatu bat sortzea ez da utopia'

Josu Juaristi Europako hauteskundeetarako EH Bilduren hautagaiak jakinarazi duenez, "Euskal Herriaren segurtasuna eta etorkizuna bermatzeko aukera bakarra Europan estatu independente bat eraikitzea eta irabaztea da". Horren ustez, hori "ez da utopia", "demokrazia" baizik, eta "Europar Batasunaren baitan egitea posible da". Horrela, "Euskal Herria Eskoziaren eta Kataluniaren plano berean kokatu behar dugu", gaineratu du.

Juaristik esan duenez, "ezinezkoa da Espainiako Estatuarekin errespetuzko erlazio bat izatea", horren ustez, "mendekotasun erlazio batetik abiatzen garelako". "Euskal Herriaren segurtasuna eta etorkizuna bermatzeko aukera bakarra Europan estatu independente bat eraikitzea eta irabaztea da", gaineratu du.

Horrela, "ez badugu erabakitzeko eskubidea ekuazioan sartzen, erabakitzeko eskubidea gizarteari emanez eta esaten dutena errespetatuz, oso zaila izango da biribilgune honetatik irtetea".

Juaristiren hitzetan, "Europan estatu bat sortzea ez da utopia", "demokrazia" baizik, eta "Europar Batasunaren baitan egin daiteke", "Espainiako lobbyak aurkakoa saltzen duen arren". Horregatik, "Euskal Herria Eskoziaren eta Kataluniaren plano berean" kokatu behar dela eta "zer izan nahi dugun eta non egon nahi dugun" erabaki behar duela gaineratu du.