Hauteskunde Orokorrak Espainian 2019: A10ari buruzko azken orduko albisteak | EITB Hauteskundeak

Hauteskunde Orokorrak A10

10:15

Hauteskunde Orokorrak A10

Hauteskunde orokorrak

Hauteskunde-mahaiko presidentea erratu egin da Urkulluren izenarekin

AGENTZIAK | ERREDAKZIOA

Lehendakaria Durangoko hautesleku batera joan da bozkatzera, eta, hauteskunde-mahaiko presidentea haren izena irakurtzen hasi denean, "Iñaki" eta "Ignacio" deitu dio, urduritasunak jota, antza.

1:07
  • Whatsapp
  • Whatsapp
  • telegram
  • Bidali

Durangoko Behargintza zentroan jarritako hauteslekuko mahaiko presidenteak "Ignacio" eta "Iñaki" deitu dio Iñigo Urkullu lehendakariari, boza ematera joan denean.

09:00etan jazo da, hauteslekua ireki bezain laster. Lehendakariak NANa eman dio hauteskunde-mahaiko presidenteari, eta hura irakurtzen hasi da: "Iñaki". Urkulluk zuzendu egin du, eta hauteskunde-mahaiko presidenteak "Ignacio" deitu dio orduan. Okerraren gainean ohartarazi dio lehendakariak berriro ere, eta mahaiko presidenteak, azkenean, izena zuzen esan du; "Iñigo Urkullu Renteria", hain zuzen ere.

Hautesleku horretan kamera eta mikrofono ugari zeuden, eta, hori dela eta, litekeena da hauteskunde-mahaiko presidentea urduri jarri, eta horregatik okertu izana. "Eguneko bitxikeria daukazue", esan die Urkulluk bertan bildutako kazetariei.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena