Hauteskunde Orokorrak Espainian 2019: A10ari buruzko azken orduko albisteak | EITB Hauteskundeak

Hauteskunde Orokorrak A10

23:08

Hauteskunde Orokorrak A10

Balorazioak

Beitialarrangoitia: 'Ez dugu lortu espero genuen emaitza'

Agentziak | Erredakzioa

EH Bilduren Gipuzkoako zerrendaburuak esan du koalizioak lanean jarraituko duela, "gure proiektua ez delako epe laburrekoa", eta lortu dituzten bi diputatuak Madrilera "lan egitera" joango direla.

  • Whatsapp
  • Whatsapp
  • telegram
  • Bidali

Marian Beitialarrangoitia EH Bilduren Kongresurako Gipuzkoako zerrendaburuak onartu duenez, koalizioak igande honetako hauteskunde orokorretan lortu dituen emaitzak ez dira izan espero zituztenak. Ohartarazi duenez, "aldaketa benetakoa izan dadin, Rajoy kentzea baino zerbait gehiago behar du; Euskal Herriaren subiranotasunaren aldeko apustua egitea eskatzen du, murrizketekin bukatzea eta justizia sozialaren alde lan egitea".

Beitialarrangoitiaren esanetan, koalizioak lanean jarraituko du, “gure proiektua ez delako epe laburrekoa”, eta Madrilera bidaliko dituzten diputatuak lan egitera joango dira. Gipuzkoako zerrendaburua 22:10 aldera agertu da kazetarien aurrean, gainerako hautagaiekin batera, etsita; izan ere, abenduaren 20an izandako beherakada errepikatu da.

EH Bilduren hautagaiak eskerrak eman dizkie bere alderdiaren proiektuari konfiantza eman diotenei, baina emaitza ez dela izan espero zutena onartu du.

Beitialarrangoitiaren arabera, “adorea” nabaritu dute kanpainan, eta ez dute lortu espero zutena, baina EH Bilduk lanean jarraituko du, “guztientzat etorkizun hobe baten bila”.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena