Udal eta Foru Hauteskundeak -

M24

EAJk garaipen estua lortu du Gipuzkoan

Alderdi jeltzaleak EH Bilduk baino eserleku bat gehiago eskuratu du. Koalizio abertzalea 22tik 17ra jaitsi da.

Eneko Goia, Joseba Egibar eta Markel Olano. EFE
Eneko Goia, Joseba Egibar eta Markel Olano. EFE
EAJk aurrea hartu dio EH Bilduri Gipuzkoako hogei udaletan

2:04

David Perez | eitb.eus

Whatsapp Facebook Twitter Telegram Email

EAJ indar bozkatuena izan da Gipuzkoako Batzar Nagusietarako hauteskundeetan, EH Bilduk baino eserleku bat gehiago lortu baitu.

Botoen % 99 zenbatuta, EAJk 18 batzarkide eskuratu ditu, duela lau urte baino 4 gehiago, eta EH Bildu 22tik 17ra jaitsi da.

Bi alderdi horien atzetik urrun, PSE-EEk 9 eserleku lortu ditu; hau da, 2011n baino bat gutxiago. Hala ere, azken hauteskundeetan baino 500 boto gehiago jaso ditu.

Hirugarren lekuan, Podemos-Ahal Dugu 6 ordezkarirekin sartuko da Batzar Nagusietan, eta PPk lau batzarkideetako hiru galdu ditu.

Erreakzioak

Markel Olano EAJko hautagaia PSE-EEren babesarekin izan liteke orain Gipuzkoako ahaldun nagusi. Horren esanetan, Gipuzkoako herritarrek "enfrentamendua" alboratu dute, eta "lankidetza" bilatzeko deia egin du. Halaber, lurraldeko politikagintzan "eraldaketa" izango dela aurreratu du.

Bestalde, emaitzak "onak" izan direla esan die Xabier Olano EH Bilduko hautagaiak jarraitzaileei, "baina ez zuek merezi duzuen beste". Hala ere, orain arte bezala, lanean jarraituko dutela nabarmendu du.

Hau zure interesekoa bada, baliteke beste gai hauek ere izatea
Gipuzkoako albisteak EAE albisteak Udal eta Foru hauteskundeak 2015