27 egunez arrantza-ontzian

Alakrana tristeki famatu egin zen, 2009ko Urriaren 3an bahitua izan bai zen, Somaliatik hainbat miliatara lanean ari zirela. 47 egunen ondoren askatuak izan ziren milioi batzuen ordainketa eta gero. Guzti honen ondorioz Espainiako legea aldatua izan zen, itsasontzietan zaindariei 12,70mm.ko armen erabilera baimenduz.

Gertaera honen ondorioz, arrantza-ontzien baitan egunerokotasunean gertatzen denaren jakin-nahia piztu egin da hiritarren artean. Ibon Gaztañazpik 27 egunen baitan esperientzia hori gertutik bizitzeko aukera izan du eta dokumental baten bitartez ikusleengana helaraziko du.

Zarauzko Antoniano Aretoan proiektatuko da dokumentala eta ondoren solasldia egongo da, apirilaren 28an arratsaldeko 19:30etatik aurrera. Streamingez ere jarraitu daiteke, zuzenean.