`Txinako kronikak´ hitzaldia, Vanessa Sanchezen eskutik

Txina herrialde ezezaguna da bertan bizitzeko aukerarik izan ez duen edonorentzat, hurbiletik txinatarren kultura ezagutu eta beraiekin bizi ez den pertsona ororentzat. Vanessa Sanchez, ordea, EiTBko korrespontsal lanetan aritu zen 2015. urtean. Pekinen galduta sentitu izana onartzen du kazetariak, Txinako alde hunkigarriena bertako handitasuna omen da, hasi biztanle kopurutik, eraikin edota kontaminazioa. Hala ere, alderik zailena komunikatzeko zailtasunak izatea dela uste du; batez ere, hizkuntza menperatzen ez denean.

Hartara, 2015ean EiTBko berriemailea izan zen kazetaria, Vanessa Sanchez, Txinan bizitakoaz mintzatuko da martxoaren 14an, 19:30ean, Zarauzko Antoniano Aretoan. Zuzenean jarraitu ahalko da, Zarautz On atarian.