Amarauna
TRABAK GAINDITUZ
Mugikortasun arazoak dauzkatenak ere sartu dira Arrikrutz kobazulora
Eriz Zapirain | EITb Media
Mugikortasun arazoak dauzkaten bost pertsona Oñatiko Arrikrutz kobazuloan sartu dira igande goiz hontan, Joelette izeneko aulki berezi bati esker. Sartu baino ordu erdi lehenago, Euskadi Irratiarekin izan dira ekimenaren bultzatzaileak.
-
Kobazuloan ere trabak gaindituz.
12:10 min
Oñatiko turismo bulegoak eta mugikortasun arazoak dauzkaten pertsonen alde lanean ari den Oñatiko Trauti elkarteak ekimen interesgarria jarri dute martxan. Arrikrutz kobazuloa erakutsi diete normalean barrutik hori ikusterik ez dutenei. Mikel Etxezarretari, esaterako. Berak eta Trauti elkarteko Lukene Igartuak azaldu dituzte ekimenaren xehetasunak.
