Hitza Jolas

Aurkezleak : Eneritz Gorrotxategi

Larunbatetan, 14:00etan. Igandeetan, 23:00etan

Kontaktua : hitzajolas@eitb.eus

Jarrai gaitzazu :

Bertsolaritzaren gaineko irratsaioa da Hitza Jolas. Eneritz Gorrotxategik gidatuta, bertso ikusgarriak entzuteko plaza. Bertsozaleen bertso bazkaria. Lehengo eta gaurko bertsoaldirik onenak, plazetakoak eta mahai ingurukoak. Txapelketen jarraipen zorrotza, elkarrizketak eta informazio berritua.

1 / 30 Hurrengoa

Andoainen, Saharako errealitatea abiapuntu

Publikatuta: 2024/04/20 14:09 (UTC+2) Azken eguneratzea: 2024/04/19 12:31 (UTC+2)

Andoainen, joan den martxoaren 24an Bastero Kulturgunean izan zen Sahararen aldeko bertso saioari egin diogu lekua. Puntutan Bertso eskolak eta Andoaingo Hurria-Sahararen aldeko elkarteak antolatutako saioa izan zen eta bertan entzundako bertsoen artean egin dugu gaurko hautaketa. Saharako errealitatea eta bestelako gaiak ere jorratu zituzten. Bederatzikoa ere berreskuratu dugu.

Bertsolari gazteen 52. Osinalde sariko finala, alez ale

Publikatuta: 2024/04/13 14:08 (UTC+2) Azken eguneratzea: 2024/04/15 09:36 (UTC+2)

Aner Peritz izan da aurtengo Osinalde sariko irabazlea, entzuleen saria eta bertsorik onenaren sariak, berriz, Aitor Tatiegik eskuratu zituen. Hiru kanporaketen ostean jokatu zen apirilaren 6an finala, ohi bezala, afal-osteko saio gisa eta mikrofonorik gabe. Gabiriako Osinale Elkartean 140 lagun inguru batu ziren sei bertsolari gazteen jardunaz gozatzera. Giro horretan borobildutako bertsoak eta ondutako ariketak entzungo ditugu saio honetan.

Laudioko emakumeenak eta Bertsopentsiotan ekimena tarteko Tolosan entzunak

Publikatuta: 2024/03/30 14:15 (UTC+1) Azken eguneratzea: 2024/03/22 11:28 (UTC+1)

Laudion, Emakumeen nazioarteko egunaren atarian izan zen saioko lagin batzuk hautatu ditugu batetik eta bestetik Tolosan, lehenengoz egin den "Bertsopentsiotan" bertso jarrien sariketak emandakoa ere jaso nahi izan dugu. Aurreikuspen guztiak gaindituta, parte-hartze handia izan dute eta hasiera batean aurreikusten ez zituzten sariak ere banatu dituzte. Erretretaz edo jubilazioaz aritu garenez, artxiboan ere arakatu dugu eta 1997ko Beskooitzeko bertsoaldi bat ekarri dugu. Ia gustuko duzun.

Arabako Bertsolari Txapelketako finaleko aleak, Printzipalen bildutakoak

Publikatuta: 2024/03/23 14:13 (UTC+1) Azken eguneratzea: 2024/03/21 13:16 (UTC+1)

Aroa Arrizubieta da Arabako Bertsolari Txapeldun berria, baina finalean entzun ziren bertsoak berreskuratuko ditugu saio honetan. Aroarekin batera, oholtzan izan ziren Peru Abarrategi, Manex Agirre, Iñaki Viñaspre, Paula Amilburu eta Asier Otamendi, Oier Suarezek jarritako gaiei erantzuten. Umore kutsukoak eta serioagoak denetik izan zituzten. Andoaingo Basteron, igande honetan izango den Sahararen aldeko bertso saio baterako gonbitea ere jaso dugu.

Arabako finalaren atarian, finalerdiak berrituz

Publikatuta: 2024/03/16 14:11 (UTC+1) Azken eguneratzea: 2024/03/18 08:00 (UTC+1)

Ordu gutxi batzuk besterik ez dira falta Gasteizko Printzipal antzokian Arabako Bertsolari Txapelketako finala jokatzeko. Aitzakia hori hartuta, Aramaioko eta Dulantziko finalerdietako saioak errepasatuko ditugu. Artxiboan arakatzen ere aritu gara eta Korrikari lotutako 1983ko bertsoaldi bat berreskuratu dugu.

Bertso egunean, Gernikako Astran ereindako aleak

Publikatuta: 2024/02/17 14:06 (UTC+1) Azken eguneratzea: 2024/02/16 08:02 (UTC+1)

2024ko Bertso eguna, Gernikan izan zen. Bertsoak lantzen, jorratzen eta ontzen oholtza gainean Sustrai Colina, Maialen Lujanbio, Saioa Alkaiza eta Etxahun Lekue aritu ziren Aitor Etxebarriazarragaren esanetara. Horrezaz gain, 1998ko negu epelari Lazkao Txikik botatako eta gure artxiboan gordetako bertso batzuk ere berreskuratu ditugu.

Tolosako Atariakoa eta urteko egun berezienak

Publikatuta: 2024/02/03 14:08 (UTC+1) Azken eguneratzea: 2024/02/02 18:12 (UTC+1)

Tolosan, urtarrilaren 20an San Sebastian egunez Atariaren alde egindako saioko bertsoaldiak hautatu ditugu gaur. Baina, egun bereziz osatutako asteburua izaki, 1994ra egingo dugu atzera; urteko zein jai egun izango ote zuten gustuko bertsolariek? Entzun eta gozatu!

Bilbao Arenan dena prest gaur jokatuko den Bizkaiko Finalerako

Publikatuta: 2023/12/16 14:03 (UTC+1) Azken eguneratzea: 2023/12/14 13:44 (UTC+1)

Finalaren atarian, azken bi finalaurrekoetako errepasoa egiteko probestuko dugu. Ordu gutxiren buruan argituko da nori jantziko dion txapela, Begoña Iturrizak. Orain 40 urte Bertsozale elkartearen sorreran ibili zen, Santutxuko bertso eskolan. Gure bederatzikoari jarraipena emateko ere probestuko dugu.

Finalaren atarian, Nafarroako finalaurrekoen errepasoa

Publikatuta: 2023/12/02 14:06 (UTC+1) Azken eguneratzea: 2023/12/01 11:07 (UTC+1)

Gaur arratsaldean jokatuko da Nafarroako Bertsolari Txapelketaren finala. Hori dela eta, saio honetan, Altsasun, Agoitzen eta Lesakan jokatutako hiru finalaurrekoetako bertsoaldiak entzungo ditugu. Gure bederatzikoak ere ez du hutsik egingo.

Xilaba amaitu berri, Bertso-pentsioak ekimena eta Tolosan inklusioa ardatz

Publikatuta: 2023/11/25 14:07 (UTC+1) Azken eguneratzea: 2023/11/24 15:57 (UTC+1)

Amaitu da jada Xilaba eta amaitu biharamunean Hazparke talde irabazleko Irantzu Idoatek Euskadi Irratian egindako adierazpenak jaso ditugu. Bertsozalea den pentsiodunik ezagutuz gero berriz, interesgarri izan daitekeen ekimen baten berri ere jaso behar dugu: bertso-pentsioak ekimena hain zuzen ere. Inklusioa ardatz hartuta, Tolosan, Harituz bertsozale taldeak eta Hernaniko Rugby taldeak urri amaieran antolatutako "Inklusio bultzada" bertso saioari ere tartea eskaini diogu, gure bederatzikoa ahaztu gabe.

1 / 30 Hurrengoa

Bertsolaritzari buruzko albisteak

Txapelketari begiratuko dio Bilintxen Menda bertso hamabostaldiak, Donostiatik

Bertsolari txapeldunen saio batek, solasaldi batek, hitzaldi musikatu batek eta mahai inguru batek osatuko dute Bilintxen Menda hamabostaldiaren bigarren edizioaren programa.
Aroa Arrizubietak irabazi du Arabako Bertsolari Txapelketa

614'5 punturekin gailendu da gasteiztarra. Manex Agirre izan da bigarrena, txapeldunetik pùntu bakarrera, 613,5 puntu bilduta.
Onintza Enbeita, Ainhoa Urien: 'Bertsolaritzak eskosistema indartsua behar du. Gu indartsu egotea ez da aski'

Bertsozale Elkarteko Lehendakaritza talde berriko kide dira. Euren aurrekoek ondo asmatutako lerro estrategikoetatik jarraituko dute. Bertsolaritza, gaur egun, mugimenduan dagoen espresio oso anitza dela diote
Bertso Eguna, larunbatean Gernika-Lumon

10:30etik ordu txikietara arte gozatuko dute bertsozaleek programazioaz. Oholtza gainean, saio nagusian, Sustrai Colina, Etxahun Lekue, Maialen Lujanbio eta Saio Alkaiza.
2024ko Arabako Bertsolari Txapelketa urtarrilaren 28tik martxoaren 16ra jokatuko da

Printzipal Antzokian izango da finala, Gasteizen, hiru final-laurdenen eta bi finalerdi jokatu ondoren.
Nerea Ibartzabal: "Bertsolariok ere batzuetan botileroa beharko genuke, pilotariek bezala"

Bertsolari finaletan, akatsen bat egiten dutenean, jasan behar izaten duten karga psikologiko handia arintzeko eta unean uneko zailtasunei eusten laguntzeko, bertsolariei ondoan norbaiten sostengua ondo etorriko litzaiekela esan digu Nerea Ibartzalek.