Elena Loyo arabarrak zilarra lortu du Europako taldekako maratoian

Elena Loyo atleta arabarrak zilarra lortu du taldeka Espainiako selekzioarekin Municheko Europako txapelketetako taldekako maratoian, Aleksandra Lisowska poloniarrak irabazi du banakako sailkapena, eta taldeka, berriz, alemaniarrek.

Loyo bere taldeko hirugarrena izan da helmugan eta sailkapen nagusiko 18. postua lortu du, 2:34:56ko denborarekin (denboraldiko markarik onena). Marka onena egin duen bere taldekidea Marta Galimny tarragonarra izan da, hamalaugarren postuan 2h31: 14ko denborarekin, Aleksandra Lisowska irabazlearengandik 2:39ra. Bere atzetik, hamaseigarren postuan, Irene Pelayo izan da helmugaratu  den Espainiako selekzioko bigarren kidea, 2:33:15eko denborarekin. Laura Mendez izan da Loyoren laugarren taldekidea helmugan, 31. postuan, 2:39:15eko erlojupeko batekin.

Talde bakoitzeko lehen hiru sailkatuen denborak zenbatu ondoren, Elena Loyo eta bere taldekideek zilarra eraman dute 7:39:25eko metaketarekin, Alemaniak bakarrik gaindituta, eta 7:28:48ko denbora markatu dute.