Beste kirolak
Pistako Txirrindularitza
Ekain Jimenez, zortzigarren Europako Txapelketako taldekako abiadura proban
EITB Media
Basque Teameko kirolariak taldea osatu du Alejandro Martinezekin eta Jose Morenorekin, eta zortzigarren amaitu du. Kanporatuta geratu dira Britainia Handiko hirukotearen aurka galdu ostean.
-
Ekain Jimenez, Alejandro Martinez eta Jose Moreno. Europako Txapelketan. Argazkia: Basque Team
Ekain Jimenez Basque Teameko pistarda zortzigarren izan da Municheko Europako Txapelketako taldekako abiadurako proban. Alejandro Martinezekin eta Jose Morenorekin osatu du hirukotea.
Jimenezek, Martinezek eta Morenok ez zuten arazorik izan osteguneko sailkatze fasea gainditzeko, baina ostiral honetan kanporatuta geratu dira lehen txandan Jack Carlinek, Alistair Fieldingek eta Hamish Turnbullek osatutako Britainia Handiko hirukotearen aurka galduta. Ekain Jimenezen taldeak 36.765 marka egin du, eta Britainia Handiak 35.196ekoa. Lehen txanda galduta, bosgarren eta zortzigarren postua eskuratzeko lehian sartu dira, eta zortzigarren amaitu dute azkenean.
Jimenezek esan duenez, hasieran trabatuta geratzeak ez die mesede egin eta lasterketa baldintzatu die, baina onartu du gertatutakoa alde batera utzita ere beste taldeak eurena baino hobeak direla.
