Athletic Club
Bielsaren asmoa
De Marcos ezker hegalean, eta Gurpegui euskarrian
Erredakzioa
Lezaman ikusitakoaren arabera, Levanteren aurka De Marcosek Aurtenetxeren lekua hartuko du, bizkaitarra lesionatuta baitago, eta Gurpeguik San Joserena. Gainera, Susaeta hamaikakora itzuliko da.
-
Athleticen entrenamendua Lezaman. Argazkia: EFE
Athleticek Levanteren aurkako partida prestatzen jarraitzen du. Gaurko entrenamenduan ezker hegalekoan jarri du Bielsak Oscar de Marcos, eta Gurpegui zelai erdian, euskarri gisa.
Talde honek jokatu zuen Baskoniaren aurka atzoko entrenamenduan:: Iraizoz; Iraola, Ekiza, Laporte, De Marcos; Gurpegui; Susaeta, Herrera, Muniain, Ibai Gomez; eta Aduriz.
Gauzak horrela, De Marcosek Aurtenetxe lesionatuaren lekua hartuko luke, eta Gurpeguik San Joserena. Gainera, Susaeta hamaikakora itzuliko litzateke.
