Athletic Club
Lesionatuta
Aduriz taldetik aparte entrenatu da berriro ere
Erredakzioa
Zalantza da jokalaria donostiarra talde zuri-gorriak hurrengo astelehenean Betisen aurka jokatuko duen partidarako. Euria, haizea eta hotza izan dira Lezamako entrenamenduko protagonista nagusiak.
-
Aritz Aduriz. Argazkia: EFE
Aritz Aduriz Athletic Clubeko aurrelaria taldetik aparte entrenatu da gaur ere. Zalantza da jokalaria donostiarra talde zuri-gorriak hurrengo astelehenean Betisen aurka jokatuko duen partidarako.
Rayo Vallecanoren aurkako partidan min hartu zuen Adurizek, eta ezker hankako abduktorean distentsioa dauka. Proba gehiago egin dizkiote, eta emaitzen zain dago.
Euria, haizea eta hotza izan dira Lezamako entrenamenduko protagonista nagusiak. Hasieratik jokatu ohi duten jokalariek lan fisikoa egin dute, eta besteek partida bat jokatu dute.
