Athletic Club
Prezioen zain
San Mames berriko kuotak, bazkideen ardura
Erredakzioa
Athleticeko zuzendaritzak astelehenean aurkeztuko ditu estadio berriko jarlekuen kuotak, eta bazkide konpromisarioek baiezkoa ala ezezkoa eman beharko dute Ezohiko Batzar Nagusian.
-
Jon Berasategi, Josu Urrutia eta Aldazabal. Argazkia: EFE
Athleticeko bazkide konpromisarioek San Mames berriko kuotak onartuko dituzten edo ez erabaki beharko dute Ezohiko Batzar Orokorrean. Athleticen zuzendaritzak 2013-2014 denboraldirako kuotak aurkeztuko ditu, astelehenean, eta bazkideak prezioak ezagutzeko zain daude.
Ibaiganen San Mames estadio berriko lekualdatze prozesua nola egingo den azaldu ondoren, bazkide zuri-gorriak euren jarleku berrien prezioa zein izango den ezagutzeko irrikan daude. Zuzendaritzak kuotak aurkeztuko ditu, eta prezioek orokorrean gora egingo dutela espero da, izan ere, Josu Urrutiak San Mames berriak "orokorrean ikuspegi hobeak" dituela onartu baitzuen.
Azkeneko Batzar Orokorrean Zuzendaritzak jaso zuen babesa ikusita, ez da ezusteko handirik espero, eta konpromisarioek kuota berriak onartuko dituztela dirudi.
