Athletic Club
Mina bizkarrean
Iker Muniainek infiltrazioarekin jokatzen ditu partidu guztiak
Koldo Urriz
Ernesto Valverdek, Athleticeko entrenatzaileak, esan duenez Iker Muniain infiltrazioarekin jokatu behar izaten ditu partidu guztiak, denboraldi osoan bizkarrean duen mina arintzeko.
0:39
Iker Muniain gaur ere ez da taldekideekin batera entrenatu. Denboraldi osoan bizkarreko minarekin dabil eta ezin izan du sasoirik onenean jokatu. Ernesto Valverde entrenatzaileak aipatu duenez astean zehar, entrenamenduetan, bere lan karga arintzen du eta infiltrazioarekin jokatzen ditu partiduak. Athleticeko entrenatzaileak esan du Muniain egoera fisiko txarrean heldu dela denboraldi bukaerara. Ikusi beharko da igandean Sevillaren aurka jokatzeko moduan dagoen.
