Athletic Club
Europa Liga
Athleticek azken kanporaketarako txartela du jokoan San Mamesen
Erredakzioa
Talde zuri-gorriak ostegunean jokatuko du Dinamo Bukaresten aurka Europa Ligako itzuliko partida. Joanekoan bana egin zuten, eta azken kanporaketara sailkatzea da helburua.
-
Laportek Dinamo Bukaresti joanekoan sartutako golaren unea. Atgazkia: EFE
Athleticek ostegun honetan jokatuko du Europa Ligako Q3 kanporaketako itzulerako partida Dinamo Bukaresten aurka, 20:45ean, San Mamesen. Atariko azken kanporaketara sailkatzea dago jokoan.
Zigandak zuzentzen duen taldeak ezin du kale egin. Dinamok eta Athleticek bana egin zuten joaneko partidan; beraz, golik gabeko berdinketak edo garaipenak Athletic sailkatzea ekarriko du.
Osteguneko partidan, Zigandak Errumanian atera zuen hamaikakoa errepikatzea espero da. Berritasun bakarra izan daiteke Iñaki Williams hamaikakoan sartzea Markel Susaetaren ordez.
Bestalde, Dinamo Bukarest gogotsu iritsi da Bilbora. Cosmin Contra entrenatzaileak Rivaldinho joaneko partidako golegilea sar dezake hasierako hamaikakoan, baina gainerako jokalariak joaneko neurketan hasieratik jokatu zutenak izango dira.
