Athletic Club
Macua Ibaiganen
Abian da San Mames Barriako bazkide izateko kanpainaren hasiera-fasea
Erredakzioa
Orain dela 15 urte 5.000 pezeta aurreratu zituzten zaleei zuzenduta dago lehendabiziko fase hau.
1995eko Gabonetan eta 1996 urtearen hasieran zuri-gorrien futbol-zelai berrian lekua izateko izena eman zuten 8.500 pertsonetatik, egun 6.280 daude erregistroan -1.500 inguruk baja eman ondoren-.
6.280 zale hauei dago zuzenduta kanpainiaren lehen fase hau, Fernando Garcia Macua Athleticeko presidenteaj eta Jon Berasategi erakundeko presidenteak gaur azaldu dutenaren arabera.
Kanpainia pertsonalizatu egingo du, bazkide izateko hautagaiei eskutitz bana bidalita. Ondoren, Athleticek telefonoz deia egingo die hitzordu bat adosteko. Horietarako bost gune proposatu ditu Ibaiganeko klubak: Ibaiganen bertan, San Mameseko 25. atean, Errekalde Zumarkaleko denda ofizialean; eta Forum Sportek Barakaldoko Megaparken, Leioako Artean eta Abadiñon dituen saltokietan.
Bileran, Athleticek bazkide izan daitekeneei azalduko die San Mames Barriako bazkide izateak dituen onurak eta betebeharrak.
