Athleticek jaitsiera postuetatik irten nahi du Getaferi irabazita

Athleticek Getafe izango du aurkari igande honetan, 12:00etan, San Mamesen. Talde zuri-gorria jaitsiera postuetan sartu da, ostiralean Leganesek Alavesen aurka garaipena lortu ostean. Athleticek hamaika jardunaldi jarraian daramatza garaipenik lortu gabe.

Ganea da berritasun nagusia Eduardo Berizzo entrenatzaileak eskaini duen deialdian. Yurik ez du jokatuko hiru partidako zigorra bete behar duelako, eta min hartuta dagoen Yeray Alvarez ere ez da jokatzeko prest egongo. Balenziagak ordezkatuko du Yuri defentsaren ezker hegalean, eta defentsaren erdian Nuñezek ordezkatuko du Yeray. Zelai erdian San Josek edo Dani Garciak jokatuko dute Beñatekin batera. Aurrealdean, Raul Garciak eta Adurizek batera joka dezakete, nahiz eta bietako bat aulkian gera daitekeen.

Bestalde, Getafe indartsu iritsiko da San Mamesera. Sasoi ona burutzen ari da Bordalasek zuzentzen duen taldea. Brunok ez du jokatuko, zigortuta baitago, eta Djenek ordezkatuko du. Gainerakoan, ohiko hamaikakoarekin jokatuko du Madrileko taldeak.

Ustezko hamaikakoak:

Athletic Club: Iago Herrerin; De Marcos, Unai Núñez, Iñigo Martinez, Balenziaga; San Jose, Beñat, Muniain; Susaeta, Williams, Aduriz.

Getafe: David Soria; Damian, Djene, Cabrera, Antunes; Portillo, Arambarri, Maksimovic, Amath; Jorge Molina, Angel.

Epailea: Iglesias Villanueva.

Zelaia: San Mames.

Ordua: 12.00etan.